Р.ДАВААДОРЖ: МОНГОЛ УЛСЫН НҮҮРСНИЙ ЭКСПОРТЫН ӨМНӨХ ЖИЛҮҮДИЙН ТЭСРЭЛТТЭЙ ӨНДӨР ӨСӨЛТ АРД ХОЦОРЧ БАЙНА
/Эдийн засгийн ухааны доктор, Монголбанкны Мөнгөний бодлогын хорооны хараат бус гишүүн Раднаасэдийн Даваадорж/
Нүүрсний их хэмжээний борлуулалтын дараах Монголын төлөв: 2026 онд болгоомжлох нь зөв!
Монгол Улсын нүүрсний экспортын өмнөх жилүүдийн тэсрэлттэй өндөр өсөлт ард хоцорч байна. 2024 онд 83.8 сая тонн тээвэрлэсэн (жилийн мөн үеийнхээс 25.6%-иар өссөн) дээд амжилт тогтоосон бөгөөд 2026 онд 90 сая тонн тээвэрлэх зорилт тавьжээ.
Монгол Улсын Гаалийн мэдээгээр энэ он гарсаар тус улс 62.62 сая тонн нүүрс экспортолсон (жилийн мөн үеийнхээс 2.27%-иар өссөн). Харин нэг тоннын дундаж үнэ 45.1-64.90 ам.долларын хооронд бууж хэлбэлзжээ.
Энэ оны 83 сая тоннын зорилт биелэх боломж бий ч энэ ондоо багтаан ойролцоогоор 20 сая тонн буюу сард 6.8 сая тонн тээвэрлэхэд хангалттай юм.
Энэ оны 9 сард Монгол Улсын 2019 оноос хойших хамгийн их борлуулалт хийснээр, зуны уналтаа нөхсөн нь 9.69 сая тонн буюу өнгөрсөн оны мөн үеийнхээс 66.7%-иар өссөн үзүүлэлт юм. Монгол, Хятад хоёр улс өнгөрсөн сарын сүүлээс эхлэн өдөрт 1500-аас 2000-2500 хүртэл нүүрсний ачааны машины тоог нэмэгдүүлэх туршилт хийж байна.