АТГ-ын дарга З.Дашдавааг улируулан сонгох Ерөнхий сайдын саналыг хэлэлцэж байна

УИХ-ын чуулганы нэгдсэн хуралдаан үргэлжилж байна. Уг хуралдаанаар АТГ-ын даргад улираан сонгохоор Ерөнхий сайдаас санал оруулж ирсэн З.Дашдаваагийн талаар гишүүд асуулт асууж, хэлэлцэж буй юм. 

Гишүүдийнх ихэнх нь одоогоор дэмжсэн агуулгатай асуулт асууж, үг хэлж байна. УИХ-ын Д.Үүрийнтуяа "Бид авлигын асуудлыг цэгцлэхийн тулд тогтвортой удирдлага, тогтвортой бодлого хэрэгжиж байх ёстой. Гэхдээ бид АТГ-ыг илүү хурдан, үр дүнтэй ажиллая гэвэл энэ газрын төсөв, хөрөнгийг нэмэх ёстой" гэв. 

АТГ-ын даргад улираан сонгогдохоор нэр дэвшиж буй З.Дашдаваагийн намтар:

• 1974 онд Хэнтий аймгийн Өндөрхаан хотод төрсөн. 51 настай, яс үндэс халх.
• Хуульч мэргэжилтэй, хууль зүйн ухааны доктор,
• 1995-2019 оныг хүртэл цагдаагийн байгууллагад хэрэг бүртгэгч эрүүгийн төлөөлөгчөөс эхлээд Цагдаагийн ерөнхий газрын Дотоод хяналт шалгалт, аюулгүй байдлын хэлтэс, тасгийн дарга, хэлтсийн дарга, дэд даргаар дэвшин ажилласан.
• 2019 оноос АТГ-ын даргаар томилогдон ажиллаж байна.
• Тэргүүн комиссар З.Дашдаваа нь цагдаагийн байгууллагад 24 жил, Авлигатай тэмцэх газарт зургаа дахь жилдээ, хууль сахиулах байгууллагад 30 дахь жилдээ ажиллаж байна.